ଏଏସଓ ବୌକୁଣ୍ଠ ନାଥଙ୍କୁ ବଦଳି, ଜୋର ଧରିଲାଣି ରାଜନୀତି

ରାଜ୍ୟପାଳଙ୍କ ପୁଅ ମାଡ ମାରିବା ଘଟଣାରେ ଏଏସଓ ବୌକୁଣ୍ଠ ନାଥ ଅଭିଯ୍ଧେଜ୍ଞ କରିବା ପରେ ତାଙ୍କୁ ଗତକାଲି ରାଜଭବନରୁ ଗୃହ ବିଭାଗକୁ ବଦଲି କରାଯାଇଛି ଯାହାକୁ ନେଇ ରାଜନୀତି ଜୋର ଧରିଲାଣି । ଆଜି ଉଭୟ ବିଜେଡି ଓ କଂଗ୍ରେସ ଏହାକୁ ନେଇ ବିରୋଧ କରିବା ସହିତ ରାଜ୍ୟ ସରକାରଙ୍କ ଉପେର ବର୍ଷିଛନ୍ତି । ଆଜି ରାଜଭବନ ସମ୍ମୁଖରେ ଛାତ୍ର କଂଗ୍ରେସ ତରଫରୁ ଧାରଣା ଦେବା ସହିତ ଏଏସଓ ବୌକୁଣ୍ଠ ନାଥଙ୍କୁ ନ୍ୟାୟ ପ୍ରଦାନ କରିବା ପାଇଁ ଦାବି କରିଛି ଅନ୍ୟପଟେ ବିଜେଡି ନେତ୍ରୀ ଲେଖାଶ୍ରୀ ସାମନ୍ତ ସିଂହାର ମଧ୍ୟ ବିଜେପି ଉପରେ ବର୍ଷିଛନ୍ତି । ବିଜେପିର ଓଡିଆ ଅସ୍ମିତା କୁଆଡେ ଗଲା ବୋଲି ପ୍ରଶ୍ନ କରିଛନ୍ତି । ମୋହନ ସରକାର କାହିଁକି ରାଜ୍ୟପାଳଙ୍କ ପୁଅ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରୁ ନାହାନ୍ତି, ସିଏ କଣ ଆଇନ ଠାରୁ ଉର୍ଦ୍ଧ୍ୱରେ କି ବୋଲି ପ୍ରଶ୍ନ କରିି କାଠଗଡାରେ ଛିଡା କରିଛି । ଓଡିଆ ଅସ୍ମିତା ରଖିବେ ନା ଅଣଓଡିଆଙ୍କ ହାତରେ ଓଡିଆଙ୍କୁ ଦଳି ଚକଟି ମାରିବେ । ଯଦି ରାଜ୍ୟପାଳଙ୍କ ପୁଅ ବିରେଧରେ କାର୍ଯ୍ୟାନୁଷ୍ଠାନ ଗ୍ରହଣ କରାନଯାଏ ତାହାଲେ ଆଗାମୀ ଦିନରେ ରାଜଭବନ ସମ୍ମୁଖରେ ଆନ୍ଦୋଳନ କରିବ ବୋଲି ଚେତେଇ ଦେଇଛି ।
ସୂଚନା ଥାଉ କି ଗତ ୭ ତାରିଖରେ ଅର୍ଥାତ ରଥଯାତ୍ରା ଦିନ ରାଜଭବନରେ କାମ କରୁଥିବା ଜଣେ ଏଏସଓ ବୌକୁଣ୍ଟ ନାଥଙ୍କୁ ମହାମହିମ ରାଜ୍ୟପାଳଙ୍କ ପୁଅ ଲଲିତ କୁମାର ଓ ତାଙ୍କର କିଛି ବନ୍ଧୁଙ୍କ ସହିତ ମାଡ ମାରିଥିବା ଅଭିଯୋଗ ହୋଇଥିଲା ହେଲେ ଏପର୍ଯ୍ୟନ୍ତ କାର୍ଯ୍ୟାନୁଷ୍ଠାନ ଶୂନ । ରଥଯାତ୍ରାରେ ପୁରି ଗସ୍ତରେ ଆସିଥିଲେ ମହାମହିମ ରାଷ୍ଟ୍ରପତି ଦ୍ରୌପଦୀ ମୁର୍ମୁ । ଏହି ସମୟରେ ମହାମହିମ ରାଜ୍ୟପାଳଙ୍କ ପୁୁଅ ଲଲିତ କୁମାର ତାଙ୍କର କିଛି ବନ୍ଧୁଙ୍କ ସହିତ ଟ୍ରେନ ଯୋଗେ ପୁରୀ ପହଞ୍ଚିଥିଲେ । ପହଞ୍ଚିବା ପୂର୍ବରୁ ଏଏସଓଙ୍କୁ ଦୁଇଟି ବିଳାସପୂର୍ଣ୍ଣ ଗାଡି ଷ୍ଟେସନୁ ପଠେଇବାକୁ କହିଥିଲେ । ହେଲେ ଗାଡିର ଅଭାବ ଥିବାରୁ ତାଙ୍କ ପାଇଁ ଗୋଟିଏ ବିଳାସପୂର୍ଣ୍ଣ କାର ସହିତ ଗୋଚିଏ ସାଧାରଣ କାର ପଠେଇଥିଲେ । ଏଥିରେ ଉତ୍ତକ୍ଷିପ୍ତ ହୋଇ ଲଲିତ କୁମାର , ତାଙ୍କର ଦୁଇ ବନ୍ଧୁ , ଦୁଇ ପିଏସଓ ଏବଂ ବ୍ୟକ୍ତିଗତ ରୋଷେୟା ମାଜ ମାରି ଲହୁ ଲୁହାଣ କରିଥିଲେ ।
ଏନେଇ ସେ ଚିଠି ମାଧ୍ୟମରେ ପ୍ରଥମେ ରାଜ୍ୟପାଳଙ୍କ ବ୍ୟକ୍ତିଗତ ସଚିବଙ୍କୁ ଜଣେଇ ଥିଲେ ମଧ୍ୟ କିଛି ସୁଫଳ ମିଳି ନଥିଲା । ଫଳରେ ପରବର୍ତ୍ତି ସମୟରେ ପୁରୀର ସମୁଦ୍ର କୁଳ ଥାନାରେ ଅଭିଯୋଗ କରିଥିଲେ । ଭଲ ଭାବରେ ଦେଖନ୍ତୁ ଏହି ଦୁଇ ଚିଠି କୁ । ପ୍ରଥମ ଚିଠି ଟି ହେଉଛି ଯାହା ମହାମହିମ ରାଜ୍ୟପାଳଙ୍କ ବ୍ୟକ୍ତିଗତ ସଚିବଙ୍କୁ ଲେଖାଯାଇଥିଲା ଏବଂ ଦ୍ୱିତୀୟ ଟି ଟି ହେଉଛି ଯାହା ସମୁଦ୍ର କୁଳ ଥାନାରେ ଲିଖିତ ଭାବରେ ଜଣେଇଥିଲେ । ହେଲେ ଏପର୍ଯ୍ୟନ୍ତ କାର୍ଯ୍ୟାନୁଷ୍ଠାନ ଶୂନ ।

 130 total views